اكذب عليك

اكذب علي في كل حاجه عدى شـي
لاتقول احبك وانـت تكـذب عليّـه


مدام احبك حب طاهـر مـن الغـي
ليـه الغـدر ياظالمـي والاذيّــه


عطيتك احساس الغلا واكثر شـوي
باصدق مشاعر داخل القلـب حيّـه


ارخصت لك حالي وماتملـك ايـدي
وسلمت لك روحـي وقلبـي هديّـه


وصّلت لك حب عن النـاس مخفـي
ماوصـلـه بـوزيـد للعامـريّـه


خليت ليلك شمعـة تشتعـل ضـي
ولعتها مـن روس اصابـع ايديّـه


نـارا تنـور لـك وبالبـرد تدفـي
وبالصيف لك بـرد وسـلام وفيّـه


وانته ولا حتى عن الشـوق تـدري
حسبي على اللي شعل النـار بيّـه


جازيتني بالكـذب ظالـم ومخطـي
خطيـة ياكبرهـا مــن خطـيّـه


انا الوفاء كلـه وكـل الوفـاء فـي
مافيك ربع اللي مـن الصـدق فيّـه


مايجتمـع بالحـب مقبـل ومقفـي
ولايجتمع بالحـب حسنـه وسيّـه


ولاعاش من يجرح شعوري وانا حي
بدري عليك انتـه وعشـره وميّـه

بسم الله الرحمن الرحيم

صح لسانك اخوي

مع تحياتي