(( محمد )) طيب الاخلاق حسن الادب.......عمرة 20 سنة
زار جدته في احد المستشفيات قعد عندها نصف ساعة بعدين دشو صديقات جدته
الكبار فهو طلع من الغرفة وقف في الممر
و فجأة !!!! سمع همس يقول :
ترا القلب مصيوب ... والحال منّي غادي سْقِيْم
كنَّه بقلبي شب لاهوب ... شاقي وقلبي في تأزِّيم
حبه دعالي القلب متعوب ... ساهر اناجي الطيف واهيم
******
وتم يدور مصدر الصوت في كل الممرات راح قسم القريب من القسم الي هو فيه وهو
قسم الامراض النفسية ووقف عند غرفة مصدر الصوت و!!!!!!!!!!!!!
شاف بنت عمرها 18 سنه ماسكة ورقة وقاعدة على السرير بالمستشفى . وقالت :
طيفه شاغلني في لغروب ... من غير وعد ولا ملازيم
وينام في عيني وانا اذوب ... كنَّه معي أغلى المعازيم
أسمع صدى صوته على الدوب ... مثل التناغم والترانيم
شق الهوى في قلبي دروب ... وأصبحت كنِّي من المظاليم
اهُو قريبي وصار مكتوب ... أسمه بقلبي دون تحريم
وشافته وهي مبتسمه و شافت الورقة و هي تقراها و محمد واقف عتد الباب يسمع . وكملت وقالت :
شهمٍ أصيل الجد محسوب ... وانته تعرفه دون تعليم
فيه السخا ما فيه عذروب ... زين المعاني والمفاهيم
أصبح لقلبي ملك مطلوب ... وِلَهْ بامتثل حب التعاليم
عسى دياره غيث مسكوب ... وَسْمِيْ يسوقه مدهم الغيم
والأرض تصبح زهر وعشوب ... يرعى زهرها قايد الريم
خلصت وشافت محمد وقالت : اشرايك في القصيدة ؟
قال وهو منصدم : حلو القصيدة .
قالت : عندي غيرها في دفتري تبيني اقراها لك ؟
قال : لا لا كفاية الي سمعتة وبصراحة عجبتني القصيدة
قالت : اشفيك واقف حياك استريح .
قال : انا اسف بس جدتي بروحها في الغرفة
قالت : خلاص ما ابغي اعطلك . بس انت شنو اسمك ؟
قال : محمد , وانتي شو اسمك ؟
قالت : اسمي (( ندى ))
ورجع محمد البيت بس في البيت وهو رايح ينام ((((( فكر ))))))
في البنت الي شافها وهو مو قادر يستوعب الي صار بس سأل نفسة :دام انها تكتب قصايد و ما شاء الله موهوبة في القائها في الشعر . ليش حاطينها في قسم الامراض النفسية دامها انها صاحية ومافيها شي ؟!!!!!
في اليوم الثاني راح يزور جدته في المستشفى وتم عندها نصف ساعة وبعدين استأذن منها انه رايح البيت بس في طريجة مر على البنت وسلم عليها وهي ردت السلام وهي مبتسمة له وتم التعارف بينهم وبعدين سألها عن حالتها الصحية في المستشفى ؟
قالت ندى : الحمد لله زينة .
محمد : يعني ما فيك شي ؟!
ندى وهي مستغربة : لا مافيني شي . ليش هالسؤال ؟
محمد : لا بس انا مستغرب انك ما فيك شي وانتي قاعدة في قسم الامراض النفسية ليش ؟
ندى : انا راضيا .
محمد : فهميني شو القصة ؟
ندى : السالفة و مافيها اني ابغي اخلص دراستي بس امي تبغي تزوجني ولد خالتي الي عمري ما حبيتة لأنه صايع و عمره ما حس بالمسؤولية .
محمد : ابوك راضي ؟
ندى : الله يرحمه .
محمد : عضم الله اجرك .
ندى : اجرنا واجرك . بعدين خلوني محكورة في البيت لمدة طويلة فسويت حيلة عشان ابتعد عنهم . و لقيت فكرة الجنون لين جابوني المستشفى من شهرين وانا مرتاحة منهم .
محمد : الدكاتر والسسترات ما يقولون لك شي ؟
ندى : لا , لأني امثل عليهم على اني انسى بسرعة عشان ما يشكون فيني .
محمد : وين بيتكم بالضبط ؟
ندى : لحظة شوي .................................. هذا عنوان بيتنا مكتوب في الورقة بس ليش تبي العنوان ؟
محمد : لا بس ابي اعرف .
راح محمد البيت و ارتاح بعدين تم يفكر في البنت ندى الي شاغلة باله
في اليوم الي بعدة محمد كلم امه وابوه وقالهم : ابي اتزوج
وقالهم عن ندى
ولما سألوه عن البنت قالهم القصة كاملة , بصراحة كسرت خاطرهم البنت وقالوأ امه وابوه احنا بنساعدك عشان البنت .
وهو فرحان في اليوم الي بعده راحوا محمد وامة وابوه المستشفى عشان يزورون جدت محمد ( ام ابو محمد ) بعد ما طلعوا من عند جدت محمد قالهم محمد : تعالو شوفو البنت .
بعد ما شافوها وتعرفو عليها وضحك وسوالف
طلعو من المستشفى وهم مستانسين وقال ابوه : انت تستاهل البنت , جمال و اخلاق
وفي اليوم الي بعدة راح محمد و امه وامة بيت اهل ندى .
عشان يتقدم لها محمد
بس باليالله بطلعة روح محمد قدرت امها و خالتها يوافقون بس ولد خالت ندى ما كان موجود بالبيت و ام ندى و خالتها ما قالوله السالفة
لما عرفت ندى ان محمد جاي بيت امها عشان يتقدم لندى استانست
وفي يوم العرس طلعت ندى من المستشفى وراحت بيتهم
وتكشخت .....
في نفس الوقت ولد خالتها جاي دش البيت سكراااااااان لقى ندى قاعدة بس محمد ما وصل مع ابوه لانهم ما خلصو عرس الرجاجيل
بس دش و قعد عندها وتم يقرب شوي شوي منها وهي منصدمة وقال حق امه : يمه ما شاء الله بسرعة قدرتو تقنعونها تتزوجني !!!!!!!!!!!!!!!!!!!!!!!!!!
نـــــــدى استخفت ضنت انهم خانوها وان مو محمد بيتزوجها ضنت ان كل هذا العرس عشان ولد خالتها فأستخفت وقامت من الكرسي وضربت ولد خالتها ضرب بعصى لين ما صب منه دم وركضت برى البيت ودعمتها سيارة
وراحو محمد وابوه وامه وام ندى المستشفى
بس النتيجة ((((((((( الــــــــمـــــــــــــوت )))))))))) لندى وولد خالتها انسجن
و المسكين محمد ضل بالبيت حكر نفسة في البيت يخاف يروح المستشفى و خصوصا قسم الامراض النفسية .................................................
تحياتي اخوكم
بومهدي
موضوع: (&^ ظلم النفس&^) 
الخميس أغسطس 16, 2007 5:45 pm
